Voz da Galiza lanza o 25 de Xullo novo proxecto na Internet

Proxecto vozdagaliza.con surxe coa misión de se converter no forum referente e transversal para o debate na Internet de toda a cidadanía galega. O portal estará On Line a partir das 0h (hora galego-portuguesa) do día 25 de Xullo de 2007.

vozdagaliza.com é un forum aberto a toda cidadanía galega (e de outras comunidades culturais próximas) co fin de disponibilizar un espazo digital para o debate libre e aberto sobre temáticas relacionadas coa Galiza nos diversos aspectos: político, cultural, económico, social, científico, etc.

Este novo proxecto pretende así converterse nun punto de encontro vertebrador de toda a comunidade cibernetica galega, independentemente de cal for a súa ideoloxía, condición u opción lingüística e ortográfica. A misión de vozdagaliza.com é converterse no forún de debate na Internet referente e central da Galiza, que, guiado polos principios de acesibilidade, usabilidade e abertura á participación democrática, directa e sen censuras, quere ser a verdadeira voz na Internet da cidadanía galega.

vozdagaliza.com pretende dar total liberdade (dentro dos necesarios parámetros impostos polas regras de xogo da participación democrática) aos/ás participantes para que poidan opinar libremente sobre calquera temática. No entanto, vozdagaliza.com non se responsabiliza por ningunha das opinións particulares manifestadas no forum.

Indicar que os/as usuarios/as poden participar desde xa na versión Beta do forum.